Potter wasp

മലയാളം പേര്: വേട്ടാളൻ, വേട്ടാവളിയൻ 
Common name: Potter wasp 
Scientific name: Eumeninae
Family: Vespidae
Phylum: Arthropoda
Order: Hymenopterans

              ജനലിന്റെ കതകുകളിൽ, ചുമരിന്റെ മൂലകളിൽ, മരക്കമ്പുകളിൽ തുടങ്ങി ഇലകളിൽവരെ ചെറിയൊരു മൺകുടം കണക്കെ കൂടുണ്ടാക്കുന്ന 'വേട്ടാളൻ' എന്നറിയപ്പെടുന്ന ഈ കടന്നലിനെ അറിയാത്തവരുണ്ടാകില്ല എന്ന് കരുതുന്നു. പ്രകൃതിയിലെ ഒരു അത്ഭുത ശില്പികളാണിക്കൂട്ടർ. Potter wasp എന്നു ഇംഗ്ളീഷിൽ അറിയപ്പെടുന്ന, വെസ്‌പിഡെ (Vespidae) എന്ന കുടുംബത്തിലെ യൂമേനിനാ (Eumeninae) എന്ന ഉപ കുടുംബത്തിൽപ്പെട്ടവരാണിവർ. ഇതിൽത്തന്നെ മനോഹരമായ മഞ്ഞയും കറുപ്പും കലർന്ന 'ഫിമെനെസ് ഫ്ലാവോപിക്ടം (Phimenes flavopictum)' എന്നൊരിനവും 'ഡെൽറ്റ പിരിഫോം (Delta pyriforme)' എന്ന് പേരുള്ള മറ്റൊരിനിവുമാണ് നമ്മുടെ നാട്ടിൽ കൂടുതലും കാണുന്നത്. മുട്ടയിടാറാകുമ്പോൾ പെൺകടന്നൽ കൂടുണ്ടാക്കാൻ അനുയോജ്യമായ മണ്ണ് കണ്ടെത്തുകയും തന്റെ വായിൽനിന്നും തികട്ടിവരുത്തുന്ന ദ്രാവകം (Regurgitated water) ഉപയോഗിച്ച് ചെറിയ ഗോളങ്ങളാക്കി കൂടിനു വേണ്ടിയുള്ള നിർദ്ദിഷ്ട സ്ഥലത്തെത്തിക്കുകയും ചെയ്യുന്നു. ഇങ്ങനെ കൊണ്ട് വരുന്ന മണ്ണും വായിൽ നിന്നൂറിവരുന്ന ദ്രാവകവുമുപയോഗിച്ചു ഒരു കഴുത്തിടുങ്ങിയ കുടത്തിന്റെ ആകൃതിയിൽ മനോഹരമായൊരു കൂടു തയ്യാറാക്കുന്നു, ഒരു അളവുകോലുമില്ലാതെത്തന്നെ. ഒരു കൂട്ടിൽ ഒരു മുട്ടയെ നിക്ഷേപിക്കാറുള്ളു. വിരിഞ്ഞിറങ്ങുന്ന കടന്നലിന്റെ ലാർവ്വക്ക് ഭക്ഷിക്കാനായി ശലഭങ്ങളുടെയും വണ്ടുകളുടെയും ലാർവകൾ, ചിലന്തികൾ എന്നിവയെ തന്റെ വിഷമുള്ളുകൊണ്ടു തളർത്തി(കൊല്ലാറില്ല) കൂട്ടിൽ ശേഖരിച്ചു വക്കുന്നു. അതിനു ശേഷം കൂടിന്റെ മുഖം നേർമ്മയിൽ അടക്കുന്നു. ഇങ്ങനെ ശേഖരിവക്കുന്നവയെ ഭക്ഷിച്ചു ലാർവകൾ വലുതാകുന്നു.
പ്രായപൂർത്തിയായ കടന്നലുകൾക്കു പൂന്തേനാണ്(Nectar) പ്രധാന ആഹാരം. മറ്റു കടന്നലുകളെപ്പോലെ (Paper wasp) ഇവ കോളനിയായി ജീവിക്കുന്നവയല്ല എന്ന് മാത്രമല്ല വലിയ ആക്രമണകാരികളുമല്ല.
ചിത്രം 1)Phimenes flavopictum
ചിത്രം 2)Delta pyriforme

വേറൊരിനം കടന്നൽ വിശേഷങ്ങളുമായി ഞാൻ വീണ്ടും വരും...നന്ദി...
Phimenes flavopictum

Delta pyriforme

Delta pyriforme



 Nest making Video
https://www.youtube.com/watch?v=hqf7L6p2dj4

Comments

Post a Comment

Popular posts from this blog

Life cycle of 'Transverse Ladybird Beetle - Coccinella transversalis'

Image
Life cycle of 'Transverse Ladybird Beetle - Coccinella transversalis' ഇംഗ്ളീഷിൽ "ട്രാൻസ്‌വേഴ്സ് ലേഡിബേഡ്" എന്നറിപ്പെടുന്ന ഒരു ചെറുവണ്ടിന്റെ ജീവിതചക്രമാണ് താഴെ കാണിച്ചിരിക്കുന്നത്.മുട്ടക ൾ ഉൾപ്പെടുത്താൻ സാധിച്ചിട്ടില്ല...ക്ഷമിക്ക ുക... 1 - ലാർവ  2 - പ്യൂപ്പ,  3 - പ്യൂപ്പയിൽ നിന്നും വണ്ട് പുറത്തുവരുന്നു,  4 -മുതിർന്ന വണ്ട്.... ഷഡ്പദങ്ങൾക്കു രണ്ടു തരത്തിലുള്ള ജീവിത ചക്രങ്ങളാണുള്ളത്...പൂർണ്ണ ജീവിതചക്രവും (C omplete Metamorphosis), അപൂർണ്ണജീവിതചക്രവും(Incomp lete Metamorphosis)...പൂർണ്ണ ജീവിതചക്രത്തിൽ മുട്ട(eggs), ലാർവ(Larva), പ്യൂപ്പ(Pupa), മുതിർന്നവർ(Adult) എന്നീ നാല് അവസ്ഥകളാണുള്ളതെങ്കിൽ, അപൂർണ്ണജീവിതചക്രത്തിൽ മുട്ട, ലാർവ, മുതിർന്നവർ എന്ന മൂന്നു അവസ്ഥാഭേദങ്ങൾ മാത്രമേയുള്ളൂ.. തുമ്പികൾ പോലുള്ളവക്കു(Hemimetabolou s) അപൂർണ്ണജീവിതചക്രമാണെങ്കിൽ ശലഭങ്ങൾ, വണ്ടുകൾ മുതലായവക്ക്(Holometabolous ) പൂർണ്ണജീവിതചക്രമാണുള്ളത്. മുട്ടകൾ വിരിഞ്ഞു മുതിർന്ന ജീവിയുടെ(Adult) യാതൊരു രൂപസാദൃശ്യവുമില്ലാത്ത ലാർവകൾ അല്ലെങ്കിൽ പുഴുക്കൾ പുറത്തുവരുന്നു. ഇവ ഭക്ഷ്യസസ്യങ്ങളുടെ ഇലകൾ അതിവേഗം തിന്നു പ...
Read more

Lessons from weaver ants (Oecophylla smaragdina).

Image
മലയാളം പേര്: നീറ്, പുളിയുറുമ്പ്   Common name:  Weaver ant  Scientific name: Oecophylla smaragdina Order: Hymenoptera Family: Formicidae Subfamily: Formicinae Tribe: Oecophyllini   Emery, 1895 Genus: Oecophylla   Smith, 1860 How to make an emergency bypass? Lessons from weaver ants (Oecophylla smaragdina). അത്യാവശ്യ ഘട്ടങ്ങളിൽ പുളിയുറുമ്പുകൾ എങ്ങേനെയാണ് ഒരെളുപ്പവഴി(Bypass) ഉണ്ടാക്കുന്നതെന്ന് നോക്കൂ... മുൻപ് പോസ്റ്റ് ചെയ്തിട്ടുള്ള ചിത്രമാണ്. എങ്കിലും കാണാത്തവർക്കായി ഒരിക്കൽക്കൂടി.. ലക്ഷ്യത്തിലേക്കുള്ള മരച്ചില്ലകൾ അടുത്തായിരിക്കുകയും ഒരുപാട് ചുറ്റിക്കറങ്ങേണ്ട അവസ്ഥയുണ്ടാകുമ്പോഴും, മരത്തിനു താഴെ വെള്ളക്കെട്ടുപോലുള്ള ബുദ് ധിമുട്ടുകൾ നേരിടുമ്പോഴും പുളിയുറുമ്പുകൾ ഉണ്ടാക്കുന്നതാണ് ഈ കുറുക്കുവഴി(Bypass). പണിക്കാരൻ ഉറുമ്പുകൾ(worker ants) രണ്ടുവശത്തുനിന്നും, താഴേക്കിറങ്ങിയും മുകളിലേക്കെത്തിപ്പിടിച്ചും  ഒരു നൂൽപ്പാലം പോലെയായിത്തീരുന്നു. അതില്‍ പിടിച്ചുകയറി മറ്റു ഉറുമ്പുകൾ ലക്ഷ്യസ്ഥാനത്തെത്തുന്നു... ഒരുപാട് പരീക്ഷണനിരീക്ഷണങ്ങൾക്കു ഒരു വഴികാട്ടിയായിത്തീർന്ന...
Read more

Tea Mosquito Bug (Helopeltis Theivora)

Image
മലയാളം പേര്: തേയിലക്കൊതുക് Common name: Tea Mosquito Bug Scientific name:  Helopeltis Theivora Order: Hemiptera Suborder: Heteroptera Family: Miridae Subfamily: Bryocorinae Tribe: Monaloniini Genus: Helopeltis തേയിലയെ ആക്രമിക്കുന്ന ഒരു പ്രധാന കീടം. നമ്മുടെ നാട്ടിൽ കശുമാവിന്റെ നീരൂറ്റിക്കുടിക്കുന്ന പ്രാണി. പേരയിൽ ഇതിന്റെ ആക്രമണം ചെറുതായി കണ്ടെത്തിയിട്ടുണ്ട്. ഇവിടെ ധൃതരാഷ്ട്രപ്പച്ച(Mikania micrantha) എന്ന കളസസ്യത്തിന്മേലാണ് ഇതിനെ ഞാൻ കൂടുതലും കണ്ടെത്തിയിട്ടുള്ളത്. പക്ഷെ ഈ കളക്ക് നാശമുണ്ടാക്കുന്നുണ്ടോ എന്നതിനെക്കുറിച്ചു എനിക്കറിവില്ല. തേയിലയുടെ കിളുന് നിലകളിലും കൊളുന്തുകളിലും ഇവയുടെ proboscis എന്ന അവയവം ഉപയോഗിച്ചു തുളച്ചു നീരൂറ്റിക്കുടിക്കുകയാണ് ഇവയുടെ രീതി. അതോടൊപ്പം ഉമിനീരിലൂടെ കുത്തിവെക്കപ്പെടുന്ന വിഷദ്രാവകം ഇലയുടെയും ഇളം തണ്ടുകളുടെയും ചുറ്റുമുള്ള കോശങ്ങളെ നശിപ്പിക്കുകയും അത് ഉണങ്ങാനാരംഭിക്കുകയും ചെയ്യുന്നു. തേയിലയെ സംബന്ധിക്കുന്ന കുറെ വിദേശ സൈറ്റുകളിൽ എന്റെ അനുവാദത്തോടെ ഈ ചിത്രം ഉപയോഗിക്കുന്നുണ്ട് എന്ന് സന്തോഷപൂർവ്വം അറിയിക്കുന്നു. Tea Mosquito Bug (Helopeltis T...
Read more